Со натпреварите од 33-тото коло и официјално заврши Првата македонска фудбалска лига, барем оној лигашкиот дел, со оглед на тоа дека допрва треба да се одиграат финалето на Купот и бараж натпреварите.
Старо-новиот шампион на Македонија, Струга, со пораз на домашен терен го заврши првенството, откако фудбалерите на Шкупи победија со 1-2 крај Охридското езеро. Фудбалерите на Шкендија со победа на гости кај Работнички од 0-2 ја решија единствената непознаница во последното коло, а тоа беше која екипа ќе патува во квалификациите за Конференциската лига преку првенството.
Дуелите во Штип, Маџари и Охрид завршија без победник, додека најефикасниот натпревар денес го одиграа екипите на Брера и Македонија ЃП, меч кој им припадна на домашните со 5-3, откако имаа негатива на полувремето од 1-2.
Резултати:
Брегалница – Силекс 1-1
Брера – Македонија ЃП 5-3
Работнички – Шкендија 0-2
Струга – Шкупи 1-2
Вардар – Тиквеш 2-2
Воска – Гостивар 1-1
Струга ќе учествува во квалификациите за Лигата на шампионите, Шкендија во квалификациите за Конференциската лига, Вардар ќе игра против Детонит Плачковица во баражот за опстанок, додека Македонија ЃП и Брегалница испаѓаат во Втората лига.
