Претседателот на Светската фудбалска федерација (ФИФА), Џани Инфантино е згрозен поради инцидентот кој се случи на меч во бразилскиот Сао Пауло на кој учествуваа деца кои имаат до 12 години.
Мечот се одиграл на 19 октомври кога едно 11-годишно дете од клубот Депортиво Мантикуера било злоставувано на расна основа за време на средбата. Детето трпело постојани навреди од еден навивач и тоа не само на расна основа туку и навреди кои се однесувале на неговото семејство.
Младиот фудбалер прво бил нарекуван „црнец“, а потоа и „без семејство“ и „син на ку*ва“. Неможејќи да ги истрпи сите навреди момчето само седнало на теренот и почнало да плаче. Неговите соиграчи, но и судијата се обиделе да го утешат и да го смират, но било безуспешно.
Расплаканото момче заминало во соблекувалната, а судијата тогаш го активирал антирасистичкиот протокол, па реагирала и воената полиција.
Torcedora do Corinthians é presa por racismo a jogador do Manthiqueira em jogo do Paulistão sub-12.
O jogo foi paralisado depois de um atleta do Manthiqueira sentar no gramado chorando após sofrer as ofensas racistas.
O garoto de 11 anos ouviu as seguintes palavras: “Preto,… pic.twitter.com/oq89pDmosW
— Planeta do Futebol 🌎 (@futebol_info) October 20, 2025
„Згрозен сум од веста дека младо момче кое е играч на тимот на Депортиво Мантикуера било изложено на расистички навреди од страна на навивачите за време на мечот од Паулиста лигата за играчи до 12 години, на мечот против Коринтијанс во Сао Пауло“, беше реакцијата на Инфантино на социјалните мрежи.
Првиот човек на ФИФА потенцираше дека тие постојано се борат да се искорени расизмот од спортските борилишта.
