Веќе една недела трае неизвесноста околу тоа каде и што се случило со таткото на фудбалерот на Ливерпул, Луис Дијас. Минатата сабота група киднапери ги фатија мајката и таткото на Луис. Само по неколку часа, мајката била ослободена, но таткото е однесен во непознат правец. Се верува дека герилската група го одвела киднапираниот кон границата на Колумбија со Венецуела.
Колумбиските медиуми пишуваат дека жена означена како Патрисија е главна во операцијата за киднапирањето на таткото на Дијас. Таа е предводник на групата која е дел од Северен воен фронт ЕЛН.
‘Patricia’ y ‘Mateo’, los dos guerrilleros que estarían detrás del secuestro de Luis Manuel Díaz.
https://t.co/x0TMIIJBAd— Jean-Pierre Serna (@jpserna) November 3, 2023
Оваа група е прогласена за терористичка организација од страна на американските власти и во Европската унија, а ЕЛН е во конфликт со владата на Колумбија.
Поради овој немил настан, Дијас го пропушти последниот меч на Ливерпул, а тренерот на Црвените, Јирген Клоп, најави дека самиот фудбалер треба да одлучи дали ќе биде способен да настапи на следниот натпревар против Лутон на гости в недела.
