Напаѓачот на Атлетико Мадрид, Диего Коста, доби суспензија од 8 натпревари за исклучувањето на дербито со Барселона изминатиот викенд. Ако не му биде намалена казната, за него ова значи крај на сезоната, а многу веројатно и дека веќе никогаш нема да го облече дресот на „јорганџиите“ на официјален меч.
Дисциплинскиот комитет на Шпанската фудбалска федерација го казни натурализираниот шпански репрезентативец со 4 меча за вербален напад врз судијата Хил Мансано и тешки навреди и уште четири што го влечеше арбитeрот за рака. Коста ќе плати 6.100 евра.
Од Атлетико најавија жалба на оваа одлука.
