Навивачите на Хајдук и Динамо Загреб утрово се степаа во една сплитска населба која не е баш блиску до стадионот „Пољуд“, а како резултат на тоа има над 100 приведени учесници во нередите.
Се зборува дека ова било договорена тепачка, стотина фанови на Динамо, Бед Блу Бојс, во 9.15 часот чекаа во една тесна уличка, а наиде поголема група на Торцида од Сплит и инцидентот почна.
На снимки се гледа дека домашните фанови се во поголем број и ги обиколија гостинските кои беа збиени како во клопче и во таква формација даваа отпор. Пред тоа имаше и тепачка без контрола, а на крај дојде полицијата и најголем дел од фановите на Хајдук побегнаа, додека тие на Динамо беа уапсени.
Има и една хит снимка на која се гледа како навивач на Хајдук со лисици на рацете му побегна на полицаец кој го бркаше, па се откажа.
Имало и неколкумина повредени кои побарале лекарска помош.
03.05.2025🇭🇷Torcida (Hajduk) vs BBB (Dinamo Zagreb) in Split, click here for more: https://t.co/kPe05Rjzpg pic.twitter.com/2FVKABoaoH
— Hooligans.cz Official (@hooliganscz1999) May 3, 2025
