Голманот на Хартс, Зденек Жламал беше удрен од навивач на лутиот ривал Хибернијан, а тренерот на гостите, Нил Ленон, „доби“ паричка во глава од делот од публиката што навива за популарните „срца“ во жешкото дерби на Единбург.
Голови немаше, но затоа инцидентите не изостанаа на Тјункасл дербито, едно од најголемите во шкотскиот фудбал.
Ситуацијата кулминираше по црвениот картон што го заработи напаѓачот на Хибернијан, Флоријан Камбери, а веднаш потоа Жламал настрада. За среќа, голманот на Хартс, кој беше домаќин на мечот, мина без посериозни последици откако беше удрен од навивач на Хартс.
На спротивната страна, Нил Ленон, менаџерот на Хибс, побара помош од медицинскиот тим откако беше удрен со паричка што долета од трибините.
