Португалецот Жорж Жесус веќе нема да седи на клупата на Фенербахче, тоа самиот го потврди синоќа, по освојувањето на Купот на Турција.
„Ова е мојот последен меч во Фенербахче. Овој трофеј е важен за мене лично, како и за клубот. Им благодарам на клубот и на навивачите, жал ми е што си одам, Турците се прекрасен, емотивен и храбар народ. Во првенството се боревме до претпоследното коло. Сезонава одигравме 15 меча повеќе од Галатасарај и Бешикташ. Уште пред неколку недели му кажав на претседателот дека си одам и му дадов совети каков тренер треба да бара после мене. Сега одам во Португалија, не сум донел одлука за иднината“, рече 68-годишниот Жесус, кој една година беше на клупата на Фенер.
Се шпекулира дека Жесус сака да биде селектор, а го спомнуваат како кандидат за селектор на амбициозната Саудиска Арабија.
