Барселона во зимскиот преоден рок најверојатно ќе го ангажира капитенот на Жирона, Алеиш Гарсија, и тоа на попуст.
Тренерот на Барселона, Чави Ернандес, сака да го ангажира Гарсија како замена за повредениот Гави, но проблем им претставува финансискиот ферплеј, но и тој може да биде решен бидејќи Жирона лажела за откупната клаузула.
Лидерот во Ла Лига првично соопшти дека клаузулата за Гарсија изнесува 20 милиони евра, но подоцна е откриено дека вистинската сума е 12 милиони и оваа сума нема да претставува проблем за Барселона да го реализира трансферот.
Слично се случи и минатото лето, кога Жирона бараше 10 милиони евра за Ориол Ромеу, а подоцна беше откриено дека клаузулата изнесувала само пет милиони евра. На крајот, Барселона го ангажира Ромеу само за 3,4 милиони евра.
