Жиру се прости од европскиот првак

Оливие Жиру претходно денеска пристигна во Милано за да ги изврши медицинските прегледи во пресрет на трансферот во Милан. Росонерите ќе платат еден милион евра во кеш и уште толку во бонуси на Челзи, додека искусниот француски напаѓач стави потпис на двегодишна соработка.

Жиру во меѓувреме се прости од европскиот првак чии бои бранеше три и пол години.

„До сите Сини, моите соиграчи и тренери, до целиот клуб, ви благодарам за сите посебни моменти. Почнувам нова авантура со среќно срце. Нашите победи во ФА Купот, Лигата на Европа и Лигата на шампионите беа феноменални. Со љубов, Оли“, напиша Жиру на својот твитер-профил.

Жиру во јануари 2018 година го напушти Арсенал за лутиот градски ривал, покрај трите освоени трофеи кои ги напомена, запиша 119 настапи со учинок од 39 погодоци.

https://twitter.com/_OlivierGiroud_/status/1416073154598944774