Жорди Алба се согласи да ја продолжи соработката со Барселона откако денес потпиша нов договор кој ќе важи до јуни 2024 година. Веќе извесно време се најавуваше овој потпис, а денес стигна потврдата од шпанскиот првак. Новата клаузула на бекот изнесува енормни 500 милиони евра.
Алба е незаменлив на левата бековска позиција уште по преселбата од Валенсија во 2012 година. Во сите натпреварувања настапи на 282 натпревари, на кои реализираше 14 погодоци и неверојатни 54 асистенции. Тој е играчот кој му наместил најмногу голови на Лео Меси, дури 20 пати му асистирал на Аргентинецот.
Пред неколку натпревари ја прослави јубилејната 200-та победа во дресот на Каталонците, во победата од 6-1 над Севилја во реванш-мечот во четврт-финалето од Купот на Кралот.
