Во сабота Рома гостува во Торино каде што против Јувентус ќе го одигра првото големо дерби за оваа сезона во Серија А. Волчицата на Жозе Мурињо тргна со две минимални победи и сега ѝ претстои тешка битка против несигурниот Јувентус.
Планот е да се прекине двегодишниот пост без триумф на „Алијанц арената“, но Мурињо во меѓувреме планира и напад по потписот на Денис Закарија. Токму 25-годишниот играч за врска би можело да биде замена за тешко повредениот Вајналдум, за кого сезоната заврши по скршеницата на ногата.
Закарија не е играч во кого Алегри има доверба, ситуација која Рома сигурно ќе ја искористи до крајот на преодниот рок. Се верува дека ангажманот ќе биде привремен, односно едногодишна позајмица.
