Зинедин Зидан е задоволен од претставата што Реал Мадрид ја прикажа против Атлетик Билбао, а вели дека шпицот на „кралевите“, Карим Бензема е број 1 голгетер на планетата.
„Тоа што Карим го прави веќе десетина години е спектакуларно. За мене тој е најдобрата деветка на светот, иако има многу други одлични шпицови и вкусови. Тој е самоуверен и секогаш подготвен да се подобрува да оди напред“, изјави Зидан.
Бензема постигна хет-трик и со неговите голови Реал го победи Атлетик со 3:0. Интересно, поранешниот француски репрезентативец е стрелец на последните 8 погодоци на Реал Мадрид и веќе стигна до бројката од 30 погодоци во сите натпреварувања сезонава.
