Зинедин Зидан сепак не ја отфрла можноста да седне на клупата на Баерн Минхен, објавија шпанските медиуми повикувајќи се на извори блиски до Французинот.
Томас Тухел ќе ја води екипата на Баерн Минхен до крајот на сезоната, по што ќе дојде до разделба со германскиот гигант. Челниците на Баерн не брзаат со пронаоѓање на тренер за следната сезона, а прв фаворит им е токму Зидан.
🚨 Former Real Madrid boss Zinedine Zidane would return to management to take the Bayern Munich job.
(Source: @Sport) pic.twitter.com/x7iWdG0dSs
— Transfer News Live (@DeadlineDayLive) February 22, 2024
Иако се чинеше дека Зидан првично ја одби понудата, сега извори блиски до него, откриваат дека тој сепак е заинтересиран за понудата на Баерн.
Иако првично му беше желба да го тренира Јувентус, Баерн засега е поконкретен и наводно претставува предизвик кој го привлекува Зидан.
„Проектот на Барен би можел да му биде многу важен во кариерата и секако финансиите нема да имаат пресудна улога. Тој би бил идеален тренер за повторно да го изгради имиџот на Баерн Минхен и да обезбеди континуитет на клупата. Сепак, не треба да се исклучи ниту Јувентус“, се зборовите на изворот близок до Зидан.
Доколку седне на клупата на Баерн Минхен, прв чекор за Зидан би му претставувал ангажирање на напаѓачот на Реал Мадрид, Родриго, кој би бил вишок во тимот кога ќе пристигне Килијан Мбапе.