Кога ќе се спомене името на Зинедин Зидан, тоа веднаш е како асоцијација за успех на Реал Мадрид. Французинот кој имаше блескава кариера, сега се покажува и како одличен стратег и тоа како предводник на мадридскиот гигант. Зидан го предводи Реал на 209 меча, период во кој освоил дури 11 големи трофеи.
По победата над Вилјареал, Реал ја освои титулата во Примера, а Зидан најави дека му е убаво на „Сантијаго Бернабеу“ и дека сака да остане. Сепак, популарниот Французин во најновата изјава како да најави дека е можно да си замине од Реал.
„Никој не знае што може да се случи. Имам договор со Реал и убаво ми е тука, но во фудбалот никогаш не се знае. Работите може да се променат за само еден ден. Едноставно речено, не знаеме што може да се случи во иднина“, рече Зидан.
Италијанскиот гигант Јувентус се споменува како можна евентуална нова дестинација на Зидан. Јувентус е клуб кој е многу добро познат на Зинедин, затоа што како играч, цели пет сезони помина во дресот на Старата дама.
