Легендарниот француски фудбалер и тренер, Зинедин Зидан, на добротворен натпревар во Тулон изјави дека наскоро повторно ќе работи како тренер.
Популарниот Зизу е без работа откако во 2021 го напушти Реал Мадрид.
„Повторно ќе бидам тренер, наскоро“, потврди поранешниот француски фудбалски велемајстор и некогашен најдобар и најскап играч на светот.
Зидан кој е поранешен капитен на француската репрезентација, и одигра 108 меча зза националниот тим, се спомнува како прв фаворит за наследник на Дидие Дешан кој ќе го напушти кормилото по завршувањето на Светското првенство следната година.
Има шпекулации и дека за него се интересираат големи европски клубови како што се Манчестер Јунајтед, Јувентус, ПСЖ, Баерн Минхен, но се чини дека 53-годишниот Зидан чека да се испразни селекторското место и да ги преземе Триколорите.
