Милан во саботата претрпе тежок пораз од Аталанта со 0-3 на „Сан Сиро“, a првата ѕвезда на Росонерите Златан Ибрахимовиќ, сега мора да трпи и провокации од играчите на Божицата.
Имено, Златан и Запата вербално се закараа во второто полувреме, во еден момент кога Ибрахимовиќ бараше пенал, на што напаѓачот на Аталанта му се обрати: „Не можете да одиграте натпревар без пенал, па бараш и 13-ти?“
Златан не остана должен и му врати: „Имам постигнато повеќе голови отколку ти што си одиграл натпревари во кариерата“.
https://twitter.com/Dirono/status/1353763838705987584
Додека останатите молчеа, играчот за врска Мартен де Рон на „Твитер“ објави видео кое почнува токму со обраќањето на Златан, а потоа следуваат трите погодоци на гостите од Бергамо.
Познавајќи го Швеѓанецот, наскоро може да се очекува негов одговор.
