Најдобриот македонски таеквондист Дејан Георгиевски се закити со уште еден златен медал. На престижниот турнирот Скопје опен Рамус Г1, Георгиевски покажа дека е во врвна форма и беше перфектен во сите четири борби кои ги имаше.
Освојувачот на сребрен медал од ЛОИ најпрво го победи Абдула Ал Магди, потоа го совлада европскиот шампион Иван Шапина, а во полуфиналето беше подобар од Пашко Вожиќ. Во финалето, Георгиевски на доминантен начин го победи Русинот Илиа Рудерман.
Со овој успех Георгиевски освои важни бодови за остварување на олимписка норма за ЛОИ во Лос Анџелес во 2028 година.
На овој турнир Скопје опен Рамус Г1 учествуваа повеќе од 1.000 натпреварувачи од 41 држава.
