ЛА клиперс го победија Сан Антонио на гости со 116-128 во меч во кој хрватскиот центар Ивица Зубац одигра натпревар на кариерата против Виктор Вембањама. Зубац постигна 21 поен и имаше 22 скока, што е негов рекорд за сезоната.
Ова беше втор најдобар скокачки ефект во кариерата на Хрватот, по оној во 2022 година против Индијана, кога забележа 29 скока и 31 поен, што останува неговиот најдобар натпревар досега.
Вембањама го заврши натпреварот со 23 поени, два повеќе од Зубац, но и „само“ 12 скока.
Вреди да се истакне и победата на Минесота на гости кај Феникс со 113-121, како и триумфот на Голден стејт против Оклахома сити со 116:109, и покрај феноменалните 52 поени на Шеј Гилџес-Александер.
Кливленд беше убедлив на гости против Мајами со 106-126, а Далас славеше тесна победа (136-137) против Њу Орлеанс.
Резултати НБА: Шарлот – Бруклин 83-104, Вашингтон – Торонто 82-106, Индијана – Детроит 133-119, Филаделфија – Сакраменто 117-104, Њујорк – Денвер 122-112, Мајами – Кливленд 106-126, Бостон – Чикаго 122-100, Сан Антонио – ЛА клиперс 116-128, Њу Орлеанс – Далас 136-137, Феникс – Минесота 113-121, Голден стејт – Оклахома 116-109.
