Александер Зверев против Доминик Тим е финалето кое вечерва ќе биде на Грен слемот во Њујорк. Двајцата тенисери досега никогаш не освоиле ниту еден од четирите најголеми тениски турнири. Тим има три финалиња и сите три ги има загубено. Два пати губеше на Ролан Гарос во 2018 и 2019 година, а беше поразен и на Австралија Опен оваа година од Новак Ѓоковиќ. За Зверев ова е прв пат да биде дел од меч за титула на Грен слем.
Според коефициентите во Sport Life; но и според АТП ранкингот и традицијата од меѓусебните дуели, Тим ја има улогата на фаворит. Досега овие тенисери играле девет пати, а Австриецот има седум победи. Зверев се радувал само два пати.
Иако германскиот тенисер е во улога на аутсајдер, сепак финалињата знаеле да бидат многу неизвесни и непредвидливи. Зверев на своја страна ќе го има и актуелниот европски фудбалски првак Баерн Минхен. Зверев е еден од најверните навивачи на Баерн и има место во ВИП ложата на „Алијанц Арена“.
Од Баерн не заборавија да го поздрават успехот на Зверев со пласманот во неговото прво финале, а сигурно ќе навиваат и за да го освои Отвореното првенство на САД. „Каков камбек. Честитки за првото финале на грен слем во кариерата! Сега освој го!“, стои во пораката од Баерн до Зверев.
What. A. Comeback. 👏👏
Congrats on reaching your first career Grand Slam Final @AlexZverev! Go get it! 💪 #packmas #USOpen pic.twitter.com/wCVvChxIzm
— 🇺🇸 FC Bayern US 🇨🇦 (@FCBayernUS) September 11, 2020
