Поразот во финалето нан Австралија опен остави голема трага во играта на Александер Зверев. Германскиот тенисер никако не може да ја најде препознатливата форма, па уште во раната фаза беше елиминиран на турнирите во Буенос Аирес, Рио де Жанеиро и Акапулко.
Лошата серија на Зверев продолжи и на еден од најелитните турнири, а тоа е Индијан Велс. Тој беше прв носител на турнирот и започна од второто коло. Сепак, само што започна, Зверев и го заврши настапот. Загуби од Таљон Грекспур од Холандија.
Првиот сет Зверев го доби со 6:4, а потоа водеше со 6:5 во вториот сет и имаше севис за меч. Сепак, Холанѓанецот направи брејк и стигна до 6:6, а потоа во тај-брејкот беше подобар со 7:5.
Во решавачкиот трет сет повторно имаше драма затоа што повторно беше 6:6, а Зверев спаси дури пет меч топки. Во тај-брејкот Зверев сепак немаше сили и го загуби со 4:7 за елиминација од турнирот.
Со овој пораз, Зверев стана првиот тенисер кој е прв носител на Индијан велс и е елиминиран на стартот иако го добил првиот сет.
1 – Since the event’s inauguration in 1976, Alexander Zverev has become the first top seed to lose their opening Men’s Singles match at the Indian Wells Open after winning the first set. Slump.#TennisParadise | @BNPPARIBASOPEN @atptour @ATPMediaInfo
— OptaAce (@OptaAce) March 7, 2025
