Александер Зверев е само уште еден од низата фаворити кои се елиминирани на АТП-турнирот во Мајами, а беа можни противници на Новак Ѓоковиќ на патот до финалето.
Германскиот тенисер иако беше прв носител на турнирот, поразен е од Артур Филс од Франција со 2-1. Зверев го доби првиот сет со 6-3, но следуваше пресврт, па следните два сета му припаднаа на Французинот со 6-3 и 6-4.
Истата судбина претходно ја доживеаја и Алкарас и Медведев, кои беа можни противници на Србинот.
Новак Ѓоковиќ во четвртфиналето за противник ќе го има домашниот тенисер Себастијан Корда, додека во евентуално полуфинале би играл против подобриот од дуелот на Серундоло и Димитров.
