Вирџил Ван Дајк, холандскиот дефанзивец на Ливерпул, живее под кирија во куќа чиј сопственик е тренерот на Манчестер јунајтед, Оле Гунар Солскјер. Кога се врати во Англија, овојпат во улога на тренер, Солскјер планираше да се смести во неговиот дом во Чешир, но куќата беше зафатена од Ван Дајк, кој имал договор за изнајмување, па Оле Гунар девет недели живееше во хотел и сега бара друго сместување.
Целиот имот и куќата со пет спални чини 4 милиони фунти.
„Оле ја имаше изнајмено куќата додека играше за Јунајтед и живееше тука со семејството. Кога си замина од Англија, куќата беше ставена на продажба и тој ја купи, а потоа на луѓе од овој крај им даде полномошно да ја издаваат и да се грижат за неа. Ван Дајк веднаш ја зеде кога ја виде. Навистина е иронично што Оле не може да се врати на својот имот, а капак е што сега таму живее играч на најголемиот ривал“, велат соседите од Чешир.
За разлика од Солскјер, кој по девет недели се откажа и не сака да го троши клубот да му плаќа хотелско сместување, Жозе Мурињо цели 127 недели живееше во луксузниот хотел.
