Аркадиус Милик немаше многу причини за денеска да го слави триумфот на Наполи против Ливерпул. Полскиот репрезентативец одигра 68 минути во дербито против англискиот тим, а потоа беше заменет. По завршување на средбата, тој заминал да прослави, а кога решил околу 2 часот по полноќ да се врати дома, му се случила вистинска драма.
Додека возел со својот автомобил, бил пресретнат од двајца воорушени бандити на мотор. Тие му го попречиле патот со моторот, а потоа му впериле пиштол. Милик немал избор, па морал да го даде часовникот „Ролекс“ кој е во вредност од 20.000 евра. Само што го добиле часовникот, бандитите избегале, а фудбалерот кој останал неповреден, го пријавил случајот во полиција.
Милик не е првиот фудбалер на Наполи кој бил мета на грабеж. Претходно слична судбина доживеаа Марек Хамшик и Лоренцо Инсиње.
