Барселона веќе е во потрага по замена за Лионел Меси. Според каталонските медиуми, како прва опција за наследник на Меси е Садио Мане од Ливерпул. Крилниот напаѓач може да игра и како „лажна деветка“. Мане во Ливерпул е четири години во кои одигра 170 меча, даде 81 гол, а имаше и 34 асистенции, а успеа да се радува на најважните трофеи.
Сенегалскиот репрезентативец е миленик на Куман, затоа што холандскиот стратег многу добро ги знае квалитетите на Мане. Пред шест години, Куман како тренер на Саутемптон го доведе Мане во Премиер лигата како позајмен играч од австриски Салцбург.
Во 2014 година, Саутемптон за Мане на Салцбург му плати 20 милиони евра и тоа токму кога Куман дојде на клупата. Мане и Куман заедно работеа две години, а потоа фудбалерот замина во Ливерпул, а тренерот отиде во Евертон.
Четири години Куман и Мане секој одеа по својот пат, а сега може да се случи повторно заедно да се спојат во Барселона. Каталонскиот гигант упатил понуда за купување на Мане, а првата сума е 120 милиони евра.
