Манчестер сити стана првиот тим во Премиер лигата кој успеа да ја освои титулата четири сезони по ред. Граѓаните едноставно доминираат во англиското првенство, па неверојатно делува фактот дека тоа е клубот на којшто му се заканува опасност дека може да испадне следната сезона.
Според обложувалниците во Англија, калкулациите за Сити да испадне од Премиер лигата во мај 2025 година е со квота 34. Колку за споредба, квотите на Ливерпул и Арсенал се 2.000, а поголеми коефициенти има и за Тотенхем, Њукасл, Манчестер јунајтед и Астон вила.
Причината поради која Сити е во ваква можна опасност да испадне е најавата дека може да биде драстично казнет по некоја од 115-те точки на обвинението поради кршење на финансискиот ферплеј и дека може да му бидат одземени многу бодови.
Токму затоа и обложувалниците се претпазливи и како посигурни дека нема да испаднат следната сезона се Манчестер јунајтед и Астон вила, а не шампионот Сити.
