Милан и Јувентус одиграа атрактивно второ полувреме со шест гола, а чудо се случи на „Сан Сиро“ и го режираа домаќините за неполни 20 минути.
Миланезите го нокаутираа шампионот со покер-голови што го почнаа во 62-рата и го завршија во 80-тата минута, откако претходно Јувентус најави победа со головите на Рабио и на Роналдо.
Особено атрактивен беше голот на францускиот интернационалец во 47-мата минута, кога претрча голем дел од теренот и соло-акцијата ја круниса со прекрасен погодок.
https://twitter.com/itsEmmelex/status/1280606424633139207?s=20
Кога во 53-тата минута погоди и Кристијано Роналдо, се чинеше дека приказната на дербито заврши, а бодовите ќе ги однесе гостинот од Торино.
https://twitter.com/losblancocarlo/status/1280608116917374977?s=20
До тој момент Милан речиси и немаше ниту една шанса за гол, но домаќините на чудесен начин се разбудија и набрзина го нокаутираа лидерот во Серија А. Пресвртот го најави Златан Ибрахимовиќ со гол од пенал во 62-рата минута, а клучни за неверојатниот пресврт беа следните пет минути.
https://twitter.com/semo33x/status/1280612857865003009?s=20
Кеси израмни во 66-тата минута по асистенцијата на Ибрахимовиќ, а Шченсни по вторпат ја вадеше топката од мрежата.
Ibrahimovic with a goal and assist. If Rangnick comes in, surely he keeps Zlatan around. Impact clear for all to see. AND, neat footwork from Kessie #MilanJuve https://t.co/nQt19cVEMN
— Sacha Pisani (@Sachk0) July 7, 2020
Веќе во следниот напад Милан го комплетира пресвртот, а стрелец беше Португалецот Леао, кој влезе како резерва во второто полувреме.
What a goal Rafael Leao! https://t.co/H4Cs0vaQsN
— 🕋🇪🇬🇵🇸 (@SwordOfAllah__) July 7, 2020
Победата на Милан ја запечати Анте Ребиќ по големата грешка на Алекс Сандро. Бонавентура искористи и му сервираше зицер на хрватскиот репрезентативец за 4:2 и победа на Росонерите во необичен меч, со сите шест гола постигнати во второто полувреме.
https://twitter.com/semo33x/status/1280617381232926721?s=20
Јувентус и со пораз остана на првото место со 75 бода, 7 повеќе од Лацио и 11, односно 12 пред Интер и Аталанта, кои имаат одиграно по еден меч помалку.
Милан е на петтото место на 7 кола до крајот на сезоната со 49 бодови.
