Ница – Ленс (Лига 1, Франција, 17 часот)
Ница испадна ќар со прекинот на ланското првенство во Франција и ќе игра во фазата по групи во Европа Лигата. Француските орли создадоа екипа за респект со неколку врвни играчи што ги предводи првиот стрелец во екипата Каспер Долберг.
Во тимот пристигна и искусниот Шнајдерлин од Евертон, многу се очекува и од Турам јуниор, а најавен е и кам-бек на вториот најдобар стрелец од ланскиот шампионат Вилан Сиприен, кој беше повреден.
Ница има сериозни амбиции да бие битка за горниот дом и е голем фаворит против новиот прволигаш Ленс. Ова им е прв меѓусебен меч од 2015 година, а Ница е многу поуспешна од ривалот кога игра на свој терен.
Предлог тип: 1Х&2+ (1.62)
Андерлехт – Мускрон (Жупилер лига, Белгија, 18.15 часот)
Андерлехт има солиден старт во новата сезона со реми и победа, додека денешниот ривал се уште не се радувал на триумф по две одиграни кола.
Мускрон има шест порази по ред кога гостувал на легендарниот „Констант Ванден Шток“ во Брисел, или како што сега се нарекува „Лото парк“, кој е дом на Андерлехт.
И сега домаќините се фаворити, но во последно време тешко излегуваа на крај со Мускрон. Гостите играат цврст фудбал и очекуваме да издржат без негатива во првото полувреме, но и по седми пат во низа да си заминат поразени од гостувањето кај белгискиот гигант.
Предлог тип: Х-1&2-5 (6.25)
Младост – Рад (Суперлига, Србија, 19 часот)
Рад во претходната сезона урна неверојатен рекорд во Србија со сите 15 порази на гостувањата и имаше гол-разлика од 6:40. Последниот неуспех во црната серија им беше токму во Лучани против Младост, екипа што ги победи со 2:0.
Рад требаше да испадне од Првата лига, но куртули најмногу благодарени на пандемијата со корона-вирус и на раководството на фудбалската федерација на Србија кое одлучи да ја прошири лигата и да нема испаѓање.
Сепак кризата кај некогашниот стабилен прволигаш е очигледна, па Рад тргна во новата сезона со четири порази и без ниту еден бод го дели последното место на табелата со Златибор.
Младост има одличен тим и амбиции за излез во Европа и е апсолутен фаворит против гостите од Белград.
Предлог тип: 1&T1 (1.62)
Пари Сен Жермен – Баерн (Финале, Лига на шампиони, 21 часот)
Време е за големото финале во Лигата на шампионите меѓу две исклучително атрактивни екипи. Ќе гледаме многу интересни дуели на теренот на Бенфика во Лисабон, а влогот е огромен, се работи за европската круна.
Баерн бие битка за шестиот пехар во Лигата на шампионите, а Светците од Париз се надеваат на историскиот прв трофеј во ова натпреварување.
Имињата на Левандовски, Гнабри, Милер, Мбапе, Нејмар, Ди Марија… се гаранција за офанзивен фудбал и се очекува голеада на „Луж“, вечерва од 21 часот.
Сепак се работи за финале, за голем трофеј и очекуваме одлуката да „падне“ во второто полувреме, и да има барем по еден гол во двете мрежи во продолжението.
Предлог тип: ГГ второ (2.30)
Жирона – Елче (Плејоф, Шпанија 22 часот)
На Жирона и одговара и реми за да се врати експресно во Ла Лига, по натпреварот без голови на првиот дуел од финалниот двомеч што се одигра на лошиот терен на „Мануел Мартинес Валеро“ во Елче.
Гостите и на тој меч беа поконкренти, иако условите за игра беа лоши. Жирона сепак мора да внимава, бидејќи ги загуби двата дуели од Елче во регуларниот дел од Сегунда.
Гостите нема што да загубат, откако добија џек-пот со поразот на Фуенлабрада од Депортиво Ла Коруња со гол и буквално во последните секунди од мечот. Лошо за нив е што без триумф на Градскиот стадион во Жирона нема да бидат прволигаши, бидејќи ривалот влезе во плејофот како подобропласирана екипа и тоа е главниот критериум што одлучува при вкупен израмнет резултат во двомечот.
Жирона има поквалитетен тим и ќе ја искористи и психолошката предност што ја има за победнички да го прослави кам-бекот во Ла Лига.
Предлог тип: 1 (2.00)
Во стандардната дневна понуда на Sport Life со специјални коефициенти можете да ги одиграте:
Андерлехт – Мускрон Т1 1+&Т1 2+ (1.95)
ПСЖ – Баерн 1-3I&1-3II (1.90)
ПСЖ – Баерн 1Х&2-4 (2.85)
