Ливерпул не успеа да го победи Вест Бромвич албион и да направи разлика од пет бода на врвот на табелата во Премиер лигата, иако фаворитот водеше со голот на Садио Мане од 12-тата минута.
Мечот заврши нерешено 1:1, што е вистинска сензација ако се знае дека ВБА е вториот најлош гостин во англиското првенство само со 3 освоени бода.
Садио Мане одлично реагираше на почетокот на мечот и му донесе предност на лидерот во Англија, но домаќините си дозволија кикс во финишот на мечот и не ја задржаа предноста против аутсајдерот.
Шеми Аџаи беше најприсебен во 82-рата минута и погоди со удар со глава за голем бод што го освои тимот од Бирмингам на „Енфилд роуд“.
Во самиот финиш од мечот, во последната минута од регуларниот дел Фирмино имаше голема шанса за победа на Ливерпул, но голманот Џонстон со прекрасна одбрана спречи пораз на гостите.
Ливерпул остана на врвот со 32 бода, а ВБА со 8 бода е на претпоследната позиција во Премиер лигата по 15 кола.
