Марио Илиевски со гол во 76-тата минута ѝ донесе победа на Македонија против селекцијата на Босна и Херцеговина за играчи на возраст до 18 години, во вториот пријателски меч со истиот ривал.
Пред два дена БиХ славеше со 1:0, а денеска се реванширавме со идентичен резултат. Избраниците на селекторот Шкумбин Арслани денеска одиграа многу подобро и успеаја да се реваншираат за поразот на првиот пријателски дуел со БиХ.
