На почетокот на март, кога Бернард Томиќ играше на турнир во мексиканскиот град Монтереј, австралискиот тенисер со хрватско потекло се пожали дека отежнато дише, и дека покрај краткиот здив, има и други симптоми на вирусот Ковид-19.
Потоа комуницирал со германската колешка Андреа Петковиќ, и на нејзе ѝ признал дека нема вирус. Германската со српско потекло, реши тоа да го сподели со јавноста.
„Тој често кажува нешто без да размисли, така и за коронавирусот. Му пишав пред некој ден и ми рече дека сето тоа е лага, и дека не знае ни сам зошто го направил тоа“ – изјави Петковиќ.
Никој не знае зошто 202-риот тенисер на АТП листата, а некогашен светски број 17, сакаше да лаже оти има коронавирус.
