Ливерпул важи за клуб кој ги имал најдраматичните пресврти во историјата на Лигата на шампиони. Минатата сезона успеаа да победат со 4:0 и да ја анулираат негативата од три гола против Барселона за подоцна да станат европски прваци, а анталогиско е и финалето во елитната лига на УЕФА од 2005 година кога губеше со 3:0 против Милан, а на крајот стигна до трофејот.
Освен во Лигата на шампиони, Ливерпул има „луд“ меч за памтење и во Купот на УЕФА. Тоа се случи на денешен ден пред точно 19 години. Англискиот гигант играше во финалето на второто по вредност натпреварување на УЕФА, а противник беше шпански Алавес.
Ливерпул беше голем фаворит пред мечот, а така и започна на теренот. Англичаните брзо поведоа со 2:0, а на полувреме имаа предност од 3:1. Сепак, Алавес не се предаде, па за само пет минути во второто полувреме стигна до 3:3 во 50 минута. Роби Фаулер погоди за ново водство на Ливерпул во 72 минута, а Синот на легендарниот Јохан Кројф, Жорди погоди во 88 минута за 4:4.
Во таа сезона важеше правилото на „Златен гол“ во продолжението. Се играше 116 минута, кога Жели си даде автогол за Алавес и Ливерпул стигна до трофејот.
✅ Nine-goal thriller
✅ Extra time drama📅 #OTD in 2001, Liverpool beat Deportivo Alavés 5-4 to win the UEFA Cup 🏆#UEL | @LFC pic.twitter.com/Iy6xrjOQGF
— UEFA Europa League (@EuropaLeague) May 16, 2020