НБА го казни Кевин Дурант со 25.000 долари поради пцуење на навивач во текот на мечот против Далас маверикс. Дурант беше снимен како се расправа со навивачите на домашниот тим кои седеа во непосредна близина позади еден од кошевите, по што Националната кошаркарска асоцијација мораше да реагира.
„Гледај го еб*ниот натпревар и еб*но заќути“, се обрати Дурант на еден од навивачите на Далас.
Ова е само еден дел од казните кои стигнаа во таборот на Голден стејт изминатиов период. Дрејмонд Грин пред неколку дена беше казнет со 120.000 долари поради расправија токму со Кевин Дурант за време на мечот против ЛА клиперс.
