Поранешниот играч на Манчестер сити и Барселона, Јаја Туре, започнува тренерска кариера. Туре е назначен за помошник-тренер во тимот на Олимпик Донецк во Украина. Во изминатиот период Туре беше дел од неколку тренерски школи во Англија, а сега првпат ќе седне на клупата на еден тим, и тоа како помошник.
Донецк е добро познато место за Туре затоа што тоа е градот во којшто првпат заигра во Европа како фудбалер. Од 2003 до 2005 година го носеше дресот на Металург Донецк, а сега ќе биде тренер во Олимпик, кој моментно е на седмото место на табелата.
„Прекрасно е што се вратив тука во Украина за да го започнам тренерското патешествие. Благодарен сум на Олимпик за понудата која ми ја даде“, рече Туре.
It’s great to back in the Ukraine to continue by coaching journey! 🇺🇦
Thank you to Olympic Donetsk for the wonderful welcome.
I’m looking forward to passing on my knowledge, helping the team and also continuing my learning here. pic.twitter.com/aLNVHZuHcL
— Yaya Touré (@YayaToure) February 10, 2021
