Младиот играч на Шарлот хорнетс Ламело Бол, најверојатно ќе го пропушти остатокот од сезоната во НБА лигата. Бол се здоби со повреда, откако незгодно падна на дуелот против Лос Анџелес клиперс, а по направените прегледи, лекарите констатирале дека се работи за скршеница на зглобот на десната рака.
Засега не се знае точно колку ќе треба Бол да паузира, но најавите се дека дебитантската сезона за него е завршена. Бол беше одбран како трет пик на драфтот, а со игрите се наметна како прв фаворит за наградата Дебитант на сезоната во НБА.
Во досега одиграните мечеви Бол имаше просек од 15,9 поени, 6,1 асистенции и 5,9 скока по меч.
