Лука Дончиќ одигра уште еден одличен меч и беше предводник на Далас маверикс во победата над шампионот Лос Анџелес лејкерс. На свој терен, Далас се радуваше со 115:110 во дуел на кој по 30 средби пауза, во дресот на Лејкерс се врати големата ѕвезда Ентони Дејвис.
Малку фалеше Дончиќ на крајот да заврши со трипл-дабл, па зад неговото име останаа запишани 30 поени, девет скока и осум асистенции, како и три украдени топки. Сезонава Лука има одиграно вкупно 18 натпревари на кои постигнал 30 или повеќе поени и плус да има барем по пет скока и асистенции.
Luka leads @dallasmavs to victory.
30 PTS | 9 REB | 8 AST | 3 STL pic.twitter.com/ONIW58xYsz
— NBA (@NBA) April 23, 2021
Во останатите мечеви кои се играа ноќеска во НБА-лигата: Бостон – Феникс 99:86, Милвоки – Филаделфија 124:117, Орландо – Њу Орлеанс 100:135, Сан Антонио – Детроит 106:91, Чикаго – Шарлот 108:91
