Кристијано Роналдо и Лионел Меси го игнорираа изборот на „Франс фудбал“ за најдобар фудбалер на сезоната, а признанието што го доби Лука Модриќ не му го честитаа ниту од хрватскиот гигант Хајдук.
Сплитските „били“ и претходно, кога Модриќ беше прогласен за најдобар во изборот на ФИФА, не се огласија со честитка за хрватскиот репрезентативец со образложение дека ќе му честитаат на секој поединец што е поврзан со Хајдук и со градот Сплит.
Модриќ голем дел од кариерата ја мина во големиот ривал на Хајдук, во Динамо Загреб, каде што ги направи првите крупни чекори во кариерата.
Сите останати прволигашки клубови во Хрватска му честитаат на наградата Златна топка што му ја додели „Франс фудбал“ вчеравечер.
