Нејмар на својот инстаграм-профил објави кратко видео со натпис „повторно заедно“ и алудирајќи на тоа дека по неколку години пауза повторно ќе ја дели соблекувалната со својот идол, Лионел Меси.
Аргентинскиот виртуоз веќе е на пат кон Париз каде што попладнево ќе ги комплетира медицинските прегледи пред да го стави потписот на договорот. Како што е познато, презентацијата на Меси треба да се случи на Ајфеловата кула, која Светците ја резервираа токму за овој момент.
