Џенова е оштетена за чист пенал на дуелот со Рома, а фаулот над Горан Пандев во финишот на мечот не го виде судијата Марко ди Бело. И потоа одби да го види повторно спорниот момент на ВАР-технологијата.
Горан Пандев имаше чист удар со глава, но беше турнат од Алесандро Флоренци. Ди Бело покажа играта да продолжи и одби да го погледне повторно спорниот момент.
„Баравме од него да користи ВАР-технологија. Беше чист пенал, но судијата одби да го провери спорниот момент“, изјави Пандев.
https://www.youtube.com/watch?v=EZB9BiJTeKc
Рома победи со 3-2 во меч на кој Џенова двапати водеше, но на крајот загуби, иако поразот можеше да се избегне доколку Ди Бело користеше помош од системот ВАР при спорниот момент во финишот на мечот.
