Кевин Дурант и Леброн Џејмс ги одбраа своите олстар-состави, а најинтересниот момент се случи на крајот, кога се бираа двете последни резерви.
Во игра останаа Џејмс Харден и Руди Гобер и прв право на избор имаше Дурант. Харден до вчера му беше соиграч во Бруклин нетс, но си замина во Филаделфија, па сега и Дурант не го избра, туку се одлучи да го вклучи во својот состав центарот на Јута.
Целата ситуација беше комична, а Леброн Џејмс почна да се смее уште пред да почне објаснувањето на Дурант зошто не Харден, туку Гобер е неговиот последен избор за резерва во тимот.
https://twitter.com/ClutchPointsApp/status/1491927440481931268?s=20&t=wTwhkrb7m5YTa__HBaXRtg
За тимот на Дурант стартната петорка ја сочинуваат: Тре Јанг, Џа Морант, Џејсон Тејтум, Ендрју Вигинс и Џоел Ембид. Дурант нема да игра поради повреда.
Резерви се: Ла Мело Бол, Девин Букер, Зак Лавињ, Крис Мидлтон, Дејонте Мареј, Карл-Ентони Таунс и Руди Гобер.
#TeamDurant is locked in 🔒#NBAAllStar | @Nike pic.twitter.com/0YBY3brCki
— NBA on TNT (@NBAonTNT) February 11, 2022
Леброн Џејмс е капитен на олстар-тимот, во кој покрај него, стартери ќе бидат и Стефон Кари, Демар де Розан, Јанис Адетокумбо и Никола Јокиќ.
Резерви се: Лука Дончиќ, Дариус Гарланд, Крис Пол, Џими Батлер, Донован Мичел, Фред Ван Флит и Џејмс Харден.
Олстар-мечот ќе се игра во Кливленд на 20 февруари.
https://twitter.com/TrashTalk_fr/status/1491925402813612036?s=20&t=wTwhkrb7m5YTa__HBaXRtg
