Со уплата само од 20 денари, еден играч во Sport Life во саботата направи тикет од 13 пара, кој на крајот се покажа како перфектно точен, па затоа исплатата е 170.470 денари.
Тактиката на овој обложувач била иста на сите 13 парови. Игра на конечен фикс, најчесто победа на домаќинот и во второто полувреме од мечот да падне барем еден гол.
ПАНДЕВ ТВОРЕЦ НА ПРЕСВРТОТ, АТЛЕТИКО ПОГОДИ ВО 89-ТАТА МИНУТА СО ИГРАЧ ПОМАЛКУ
Мечевите се од различни лиги, а интересно е дека на „чело“ на тикетот е дуелот Парма – Пордононе, на кој гостите водеа на полувреме со 0:1, но откако во тимот на Парма влезе Горан Пандев, се случи пресврт. Токму Пандев погоди за 1:1, а потоа домаќините стигнаа до убедлив триумф од 4:1.
Волфсбергер со 2:1 го победи Риед, а погодокот за победа домаќините го постигнаа на почетокот на вториот дел. Авелино во Серија Ц со 2:0 славеше над Монтероси, а домаќините по еден гол дадоа во двете полувремиња.
Единствената двојка е на Витесе – ПСВ, а гостите беа убедливи со 5:0. Во вториот дел „паднаа“ два погодоци. Драмата е на мечот Атлетико Мадрид – Хетафе. Во првото полувреме беа постигнати шест гола (3:3), а во вториот дел иако Јорганџиите беа со фудбалер помалку по исклучувањето на Фелипе во 55-тата минута, домаќините постигнаа гол за 4:3, и тоа во 89-тата минута.
Лацио немаше проблеми против Болоња и победи со 3:0, а домаќините дадоа гол и во второто полувреме, а слична беше ситуацијата и на Евертон – Лидс во Премиер лигата, каде што домаќините се радуваа со 3:0. Мидлсбро со 4:1 го победи Дерби, но драмата беше во вториот дел, кога домаќините дури во 89-тата минута погодија за да го постават конечниот резултат, откако на полувреме беше 3:1.
Вкупно со 13 среќни парови и само 20 вложени денари, добивката на овој тикет уплатен во Беверли Хилс е речиси 3.000 евра.
АЕРОДРОМСКИ СТРУЧЊАК СО САМО ОСУМ МЕЧА СИ ЗАРАБОТИ 359.440 ДЕНАРИ
Со игра на голови и по некој фикс, тикет уплатен во Аеродром, и тоа само на 100 денари, донесе добивка од 359.440 денари. Три меча се одиграни да има 1-2 гола во прво и 1-2 гола во второ полувреме. Два меча се фатени од 3-4 погодоци (Тренчин – Похроние 3:0 и Лацио – Болоња 3:0), а еден е погоден дека ќе има 2-3 гола (Леганес – Сарагоса 2:1).
Без грешка е погоден и нерешениот резултат на Кајзерслаутерн и Магдебург (2:2) во Германија, како и лесната победа на Евертон против Лидс за 1-1&3+.
