Лајвин Курзава имаше многу непријатна епизода во Париз, а избегна линч од навивачи на Пари Сен Жермен, кои се обидоа да го извлечат од автомобил.
Инцидентот е забележан со камера од телефон, а Курзава сепак куртули од посериозна ситуација и избегна поголем физички контакт со хулиганите.
https://twitter.com/_BeFoot/status/1504436750860660739?s=20&t=KKC2F9iNf6el76YTKNi3WQ
Навивачите на ПСЖ сè уште се бесни по минатонеделната елиминација на клубот во осминафиналето во Лигата на шампионите од Реал Мадрид.
Светците отпатуваа на реваншот во Мадрид со предност од 1:0, потоа и први поведоа на „Сантијаго Бернабеу“, но и прокоцкаа предност од два гола и со три примени гола од 61-вата до 78-мата минута, со пораз од 3:1 и со вкупен скор од 3:2, беа елиминирани во осминафиналето во ЛШ.
