Клоп: Салах е под голем притисок и сè што се зборува за него му влијае на играта

Ливерпул има предност од 3:1 по првата средба со Бенфика и практично е на чекор од обезбедување пласман во полуфиналето од Лигата на шампионите.

Но, она што може да ги загрижи навивачите на овој тим е формата на Мохамед Салах, којшто на последните пет натпревари има само еден постигнат гол.

Во еден момент од средбата, Салах не му ја додаде топката на Мане, којшто беше во подобра позиција за давање гол.

„Целата таа ситуација околу новиот договор, како и тоа сè што се зборува за него. Салах во таа ситуација процени дека е подобро сам да завршува и кој било фудбалер да биде на негово место веројатно би постапил исто.

Тој има навистина тежок период и многу притисок на своите рамења, но сè е во ред“, изјави тренерот на Ливерпул, Јирген Клоп.

Пред Црвените од „Енфилд“ е најзначајниот натпревар сезонава, и тоа против директниот конкурент Манчестер сити, меч којшто најверојатно ќе ја одлучи титулата во Премиер лигата.