УЕФА на утрешната ждрепка за групната фаза во Лигата на шампионите воедно ќе ги доделува наградите за најдобар фудбалер во Европа за сезоната 2021/22, како и останатите три награди за најдобра фудбалерка, најдобар тренер и најдобар тренер во женскиот фудбал.
Карим Бензема ќе биде прогласен за најдобар пред Тибо Куртоа и Кевин де Бројне, по што ќе ја наследи наградата од Жоржињо, кој сè уште е актуелен освојувач.
Иако белгискиот голман имаше блескав настап во финалето против Ливерпул, прогласен за играч на натпреварот Куртоа буквално ги одбрани тешко заработените 1-0 на Реал, сепак Бензема беше главниот актер во целата шампионска кампања на кралската дружина предводена од Карло Анчелоти.
Искусниот голгетер во 12 меча во ЛШ заби дури 15 гола, последователни хет-трик мечеви за елиминација над ПСЖ, односно Челзи, а беше клучен во полуфиналниот двомеч против Манчестер сити за освојување на неговата петта, односно 14-та на Реал европска титула.
Во конкуренција за најдобар тренер се Карло Анчелоти, Пеп Гваридола и Јирген Клоп.
🥇 Tomorrow, we will find out the Men's and Women's UEFA Player and Coach of the Year winners!
Who would you vote for?#UEFAawards
— UEFA (@UEFA) August 24, 2022
