Фудбалската репрезентација на Македонија го одржа последниот тренинг пред дуелот со Грузија во Тбилиси.
„Динамо арена“ е стадионот на кој македонскиот фудбал испиша историски успех со победата во 2020 година и пласманот на Европското првенство.
Теренот е познат, трибините овојпат ќе бидат исполнети за разлика од пред две години, но Македонија е со иста цел, а тоа е победа и задржување на шансите за првото место во групата од Лигата на нациите.
