Реал Мадрид по 11-пат сезонава прими гол во Ла Лига, а вечерва Санти Комесања и Алваро Гарсија погодија за Рајо Валјекано во петтата и во 44-тата минута на малото мадридско дерби, кое е одлично и заврши со резултат 2:2 по првиот дел.
Комесања, чиј гол можете да го погледнете ОВДЕ, и Гарсија само ја потврдија праксата дека Реал пречесто прима голови во новата сезона во шпанското првенство, а ефектот само од два меча од вкупно 13 на кои не примиле гол е најлош од сезоната 2013/14.
2 – #RealMadrid ⚪️⚪️ have kept only two clean sheets in their 13 games in @LaLigaEN 2022/23, their lowest tally at this stage of the season since 2013/14, also under Carlo Ancelotti (W10 D1 L2). Hole. pic.twitter.com/9V6AhS5rEQ
— OptaJose (@OptaJose) November 7, 2022
За среќа на актуелниот шпански и европски првак, лесно дава голови и со 31 погодок заедно со Барселона е најефикасниот тим во Ла Лига по 13 кола.
Вечерва најпрво Лука Модриќ го совлада Столе Димитриевски од пенал во 37-мата минута, а потоа и Едер Милитао погоди во 41-вата минута и Кралскиот клуб набрзина направи пресврт во првото полувреме, но не води бидејќи Гарсија израмни на 2:2 со гол во 44-тата минута.
Со победа на „Валјекас“, Реал би се вратил на врвот на табелата со 35 бода, пред Барселона со 34.
