Репрезентацијата на Мароко обезбеди пласман во полуфиналето на Светското првенство во Катар, откако во четвртфиналето оствари сензационален триумф над Португалија, и притоа испиша историја. Мароко е првата африканска репрезентација што обезбеди пласман во полуфинале на Светско првенство, но во него нема да игра Валид Кедира и поради глупост.
Имено, Кедира во судиското продолжение доби два непотребни жолти картони.
Прво, во 91-та минута, на средина од противничката половина го удри Пепе со лакот при скок и го доби првиот жолт картон, а само минута и пол подоцна, исто така на противничката половина, поради остар старт го заработи вториот жолт картон, што значеше исклучување.
Поради тоа, 24-годишниот играч на италијанскиот второлигаш Бари ќе го пропушти најважниот натпревар во својата кариера.
