Модриќ собори рекорд на СП стар 60 години, Меси се израмни со Матеус по бројот на настапи на Мундијалите

Капитенот на репрезентацијата на Хрватска, Лука Модриќ, стартуваше од првата минута во сите натпревари на Светското првенство во Катар и со тоа собори рекорд стар 60 години.

Модриќ со 37 години стана најстариот фудбалер, не сметајќи ги голманите, што настапил од првата минута на шест натпревари на едно Светско првенство.

Досега тој рекорд го држеше бразилскиот репрезентативец Нилтон Сантос, кој последен пат играше на Светското првенство во 1962 година.

Триесет и седумгодишниот Модриќ против Аргентина го игра 161-виот натпревар за хрватската репрезентација.

Во книгата на рекорди се запиша и Лионел Меси, кој со денешниот настап против Хрватска го израмни рекордот по бројот на одиграни натпревари на Светските првенства.

Меси вечерва го игра 25-тиот натпревар на Мундијалите и се израмни со Германецот Лотар Матеус, кој одигра 25 средби на пет Светски првенства, од 1982 до 1998 година.

И за Меси настапот во Катар е петти на Светските првенства, во 2006 година одигра три натпревари, во 2010 пет, во 2014 седум, во 2018 четири, а вечерва го игра шестиот натпревар.

- Оглас -

Најнови вести