Обложувач стана предмет на потсмев на фудбалските фанови ширум светот откако наместо в недела да навива за Аргентина против Франција во финалето на Светското првенство, се обложил на погрешен спорт.
Тој се обложил дека Аргентина ќе биде светски шампион, но направил грешка поради која сите му се смеат, наместо на фудбалерите, тој се обложил на рагбистите.
„Мојот пријател мислеше дека Аргентина ќе триумфира на Светското првенство. Ми се причини дека квотата е преголема за да биде вистинска, но потоа откривме дека тој се обложил дека Аргентина ќе биде светски шампион во рагби“, напиша на „Твитер“ пријател на навивачот кој се обложил на погрешен спорт.
My mate thought he had Argentina to win the World Cup the whole tournament, I thought the odds were too good to be true, turns out he betted on the Rugby World Cup😭 pic.twitter.com/7DvhoUBwe0
— Luke (@LukeCarey1881) December 14, 2022
За да биде маката поголема за обложувачот, Светското првенство во рагби ќе се одржи во октомври идната година, а Аргентина речиси и да нема шанси за трофејот во конкуренција на Нов Зеланд, Австралија, Франција, Англија…
На социјалните мрежи го задеваат навивачот велејќи му дека в недела нема да има потреба да се нервира како што беше во четвртфиналето и дуелот на Аргентина со Холандија, кога победникот беше одлучен во пенал-рулетот.