Лука Модриќ цели 11 години настапува за Реал Мадрид. Во овој период освои сè што може еден фудбал да освои, односно вкупно 22 трофеи. Петпати беше шампион на Европа и исто толку пати шампион на светот. Во Европа осви и четири титули од Супер купот. Во Шпанија освои три пехари од Ла Лига, еден во Купот на кралот и четири трофеи во шпанскиот Супер Куп.
Порталот Capology, кој се занимава со платите и заработката на фудбалерите, пресмета дека хрватскиот репрезентативец во досегашната кариера заработил 140 милиони евра. Неделната плата во Реал Мадрид му е 420.000 евра, што значи околу 22 милиони евра годишно.
Лука Модриќ сениорската кариера ја започна во Динамо Загреб, од каде што беше на позајмица во Зрињски од Мостар и Интер од Запрешиќ. Во 2008 година направи трансфер од Динамо во Тотенхем, од каде што во 2012 година се пресели во редовите на Кралскиот клуб од Мадрид.
