Вест хем ќе игра во финалето на Конференциската лига на УЕФА откако двапати успеа да го победи АЗ Алкмар. На реваншот во Холандија се случуваа немили сцени како пред, така и по мечот.
Пред средбата, фановите на двата клуба се тепаа во центарот на градот, а инцидентите не изостанаа и по завршување на мечот. Лути поради поразот и елиминацијата, хулигани на домашниот тим влегоа во секторот на трибините каде што беа сместени гостинските фанови, меѓу кои беа и семејствата на фудбалерите на Вест хем. Се случи хаос, дури и дел од играчите на англискиот тим сакаа да втрчаат на трибините и да се тепаат со хулиганите, но беа задржани од редарите.
Додека редарите ги држеа фудбалерите на Вест хем да не влезат во конфликт, на трибините се најдоа двајца херои. Бестрашни навивачи застанаа пред толпата хулигани и постојано ги задржуваа да не влезат на трибината каде што се гостите.
Посебно силен се покажа еден од двајцата херои, кој буквално сам се тепаше и не дозволи во ниту еден момент хулиганите да се качат на скалите и да влезат на трибината. Суперхеројскиот подвиг на бестрашните навивачи може да го видите ТУКА.
2 West Ham fans hold back the entire group of AZ Ultras (while stewards hold back our players in the background)
by u/Zoomer_Boomer2003 in soccer
